Artist/Band:
Piyush Mishra
Lyrics for Song: Aisi Sazaa Deti Hawa
Lyrics for Album: Gulaal
Director: Piyush Mishra
Lyricist: Piyush Mishra, Swanand Kirkire
Singers: Piyush Mishra, Shilpa Rao
[Aisi sazaa, deti hawaa
Tanhaai bhi, tanha nahi] (2)
Neendein bhi, ab sone gayeen
Raaton ko bhi, parwaah nahi
Aise mein baarish ki boondon se apni, saanson ko sehla bhi do
Badhti hawaaon ke jhonko se dil ko, naghma koi la bhi do
Palkon ki koro pe baithi nami ko
Dheeme se pighla bhi do aa…
Ye zindagi… aisi hi thi
Tumne kabhi… jaana nahi
Jeevan ki raahon mein aana ya jaana
Bataake nahi hota hai
Jaate kahin hain magar jaante nahi
Ki aana wahin hota hai
Khone ki zid mein ye kyun bhoolte ho
Ki paana bhi, hota hai
Wo pal abhi, waisa hi hai
Chhoda tha jo, Jaisa wahin
Aisi sazaa, deti hawaa
Tanhaai bhi, tanha nahi
Neendein bhi, ab sone gayeen
Raaton ko bhi, parwaah nahi
