Rasm-E-Ulfat

Rasm-e-ulfat ko nibhaayen to nibhaayen kaise

Har taraf aag hai daaman ko bachaayen kaise



Dil ki raahon mein uthate hain jo duniyawale

Koi kehde ke woh deewar giraayen kaise



Dard mein doobe hue naghmein hazaron hain magar

Saaz-e-dil toot gaya ho to sunaayen kaise



Bojh hota jo ghamon ka to utha bhi lete

Zindagi bojh bani ho to uthaayen kaise



Rasm-e-ulfat ko nibhaayen to nibhaayen kaise

Har taraf aag hai daaman ko bachaayen kaise



Posted By: Bharati Singh